Եուրօ-2016. Այսօր` մրցաշարքին պաշտօնական բացումը

Աշխարհի ֆութպոլասէր հասարակութեան հայեացքները այսօր պիտի ուղղուին Ֆրանսայի մայրաքաղաք` Փարիզ, ուր տեղի պիտի ունենայ Եուրօ-2016-ի Եւրոպայի ֆութպոլի ախոյեանութեան մրցաշարքին պաշտօնական բացման արարողութիւնը, որուն պիտի յաջորդէ Ֆրանսա-Ռումանիա բացման մրցումը (Ա. խմբակ), Պէյրութի ժամանակացոյցով ժամը 22:00-ին:

Յետադարձ ակնարկ մը նետելով նոյեմբեր 2015-ին յիշեցնենք, որ Ֆրանսա ապրեցաւ սեւ օր մը, երբ իսլամական յարձակումի մը զոհ գացին 130 անձեր նոյն այն վայրին մէջ, ուր տեղի կ՛ունենայ այսօրուան բացման մրցումը:

Նոյեմբերեան այդ դէպքէն ետք կը կարծուէր, որ Ֆրանսա պիտի չկարենայ հիւրընկալել այս մրցաշարքը:

Սակայն այդ դէպքէն ետք ապահովական ուժերը խստացուցին եւ «Փարք տը Փրենս» մարզադաշտի ամբողջ շրջակայքին որդեգրեցին ապահովական խիստ միջոցառումներ` որեւէ անախորժ դէպքի մը առաջքը առնելու համար: